so noch langer ziit chumi au mol wieder dezue, do ine zschribe! es tuet mer leid, dases so lang gange isch. i weiss au ned wo die ziit ane isch ;O furt isch furt gelet... also i bi unter de wuche eigentlich immer voll mit de kolege unterwegs gsi, esse, beach, sünnele, shoppe und eis go trinke. so isch ziit verbii gange wie im flug.letst wuchenend bini no in big island gsi. e anderi insle vo hawaii. es isch eifach hammer gsi! bi mir einre vo minre klass gange, de stephanie (fotos), mir sind vom fritig obet bis am mentig obet blibe. sind di ganz ziit mitem auto umecrust, sind uf de mauna kea, noch waimea, an black sand beach und green sand beach und no uf di ander siite vode insle noch hilo. hend glob einigi meile gmacht do. aber isch toll gsi sonen road trip, hend viel glacht, viel gsunge und viel erlebt. einmolig gsi. jo und hüt, 3.8., bini no mit de schuel ane aktivitär dasmer noch chinatown go esse sind und denn no id marketplaces. isch genial gsi. hend meeega viel gesse und interessants zeugs gseh im markt.
morn hemmer jetzt no e aktivität mit einre lehrerin wo denn nurno negst week do isch und denn weg goht denn gömmer ine bucht und tüend chli picnice. ha scho so viel leuts kenneglernt. vorallem schwiizer, spanier und japaner. japaner lieber mich :D hehe i glaub i cha mol en ganze road trip durch japan unterneh und bi dene schlofe :D

Fotos

Manoa Falls

10.-15.7.

so isch scho es wiili her, siti sletzt mol gschribe han. also jetzt e zemefassig vo minre wuche:
am letzte mittwoch de 10.7. sind mit mit de schuel in zoo und anes konzert nd hend e piknick gmacht. isch mega witzig gsi so paar neui lüüt kennelerne wo di denn ide schuel grüesset nd wot chli schnorre chasch.
am mittwoch de 11. bini am nomitag in hula kurs. isch cheeeibe aasträngend gsi aber mega genial.
am 12. hend mir denn noch de schuel es bbq gha mit de schuel und hend meega viel fleisch gesse :O und nocher bini no is kino. kindsköpfe 2 go liuege. sooo witzig gsi und die zwei koleginne, woni erst dete so richtig kenneglernt han, sind au nett und lustig. jo und denn am 13. am samstig bini mit drü koleginne zude manoa falls. isch mega schlammig gsi und de wasserfall denn au mega ernüechter weler ned so gsi isch wiemern eus vorgstellt hend. also sind mer nochr eifach nochli an beach nd hend gsünnelet.
am sunntig simmer denn so 6te in ihop go zmörgele nd denn hemmreus trennt nd sind all chli go shoppe und denn an beach. au mega entspannend gsi. hüt am 15. bini denn wieder zude hanauma bay. damol würklich go schnorchle. het mega schöni fischis do aber ha mengmol chli angst gha wel die riff scho mega nööch gsi sind und swasser ned so tüüf gsi isch. aber susch isch hammer gsi. aber au fisch sind mengisch ganz schö gross gsi :D jo morn gönd mer jetzt mol snachtlebe vo hawaii go uuskuntschafte.

So am sunntig bini chli fuul umeglege und früeh is bett und hüt, mentig, bini mit zwei koleginne uf de diamonds head.eigentli ned sonen höche berg, wenn mer us de schwiiz chunt. aber es isch sooo heiss gsi, mir sind so am schwitze gsi das eusi kleider nass gsii sind. aber mir hends doch au no ufe gschafft (fotene spöter). und uussicht isch echt traumhaft gsi. denn hemmer id Haunauma Bay wele. doch irgendwie hend mir genau ein bus verpasst und hend somit e stund ade bushaltestell warte möse bis de negsti cho isch... da isch scho entüüschend gsi. und denn hend mir nurno ei stund an strand ligge chöne wel denn de letzti bus cho isch. aber au die bay isch mega schöö gsi. i denke gang e anders mol nomel go schnorchle. aber kostet leider iitritt :(
nocher auno paar fotene vo pearl harbor, haunama bay und diamonds head.

Wuchenrückblick: 1.-6.

Die wuche isch verbii gange wie im flug. hend jede morgä schuel gha, ussert am donnstig wels jo 4.juli gsi isch. Bi jede nomitag mit koleginne vodä schuel unterwegs gsi. am di mit derevom mentig und am mittwoch mitre andre wo au mega cool isch. Am 4. juli bini länger dihei gsi nd ha chli uusgschlofe und hami denn uf de weg zum ala moana ,shopping center und beach, wele mache aber ufem weg isch mer doch gad de reife explodiert und ich ha svelo bis in walmart müese schiebe zums umtuusche. ha denn aber au wieder e neus neh chöne ohni drufzahle. nocher bini denn frohen mutes elai is shoppingcenter gange, ha de shows zueluegt wo sie wegem nationalfiirtig ghahend nd bi denn no chli ane barghöcklet nd ha mit amerikaner drinks trunke wo sie mir empfohle hend. denn bini an strand nd ha gesse. het mega viel lüüt dete gha wo bbq gmacht hend und gred hend. isch mega interessant gsi, soviel verschideni grüch wohrzneh und verschideni sproche zghöre. in hawaii hets nemli fast dhälfti japaner wo do lebet.jo und denn wos dunkel gsi isch hends no emega führwerk abloh über de bucht. grandios gsi.
am fritig bini denn wieder ideschuel gsi und am obet mitre kolegin go volleyball spiele. het alles iiheimischi gha. vo jung bis alt. alli hend mitenand gspielt oder de ball hii und heer gworfe und gred. super stimmig gsi.
hüt, also am samstig, bini denn no im pearl harbor gsi. isch interessant gsi. hend sogar ine bomberschiff inechöne. isch mega eng dete gsi und stickig. mir hend gseit, mir chöntet das nie so lang uf some schiff sii... kei privatsphäre ha und nur wenigi cm vom negste schlofe.
so und morn chuntno corinne, sie isch mit mir idbruefschuel, noch waikiki fürzwei wuche zum ferie mache. denn tueni sie chli umefüehre.
hoffe negst wuche chumi chli meh zum schribe